ПРОЕКТ ДЕТАЛИ

Поради оштетување и дотраеност на постоечкиот тротоар на улица Битолска (која е дел од регионалниот пат Р-1305) во Демир Хисар, загрозена е безбедноста на пешаците. Особен проблем претставува немењето на пристапни рампи на одредени делови од тротоарот (премин преку други попречни улици) кои во голема мера го отежнуваат движењето на лицата со попреченост и старите лица. Оштетувањата на тротоарот во вид на ударни дупки кои најчесто се полни со вода претставуваат сериозен проблем при користење на тротоарот од страна на граѓаните. На одредени делници од тротоарот водата се задржува на самиот тротоар. Исто така заради нефункционалните сливници од коловозната конструкција на улицата (поставени како бетонски рабници-ивичњаци на улицата), атмосферската вода останува на коловозот и често возилата ги прскаат со вода пешаците по тротоарот. Како проблем го потенцираме и паркирањето на моторни возила од страна на несовесни возачи. Оваа „навика“ на несовесните возачи го отежнува движењето на пешаците по тротоарот, ја загрозува нивната безбедност, но и предизвикува оштетување на конструкцијата на тротоарот. Со реализација на проектот наведените проблеми ќе бидат надминати. Со реализација на проектот ќе се намалат и трошоците за тековно одршување на тротоарот.