ПРОЕКТ ДЕТАЛИ

Општина Крушево е општина со ограничени финансиски можности, додека, истовремено, патната инфраструктура особено во руралната средина и во овој дел од општината, предмет на предлог-проектот, е застарена, небезбедна и не одговара на современите стандарди за патна инфраструктура. Во населените места Свето Митрани и Врбоец, опфатени населени места со предлог-проектот, не се направени посериозни инфраструктурни проекти од областа на патиштата, освен санација на улици преку поплочување. Тоа доведува до деградација на руралните средини во период кога иселувањето од селата кон поголемите градови е растечки тренд. Инвестициите во патната инфраструктура значат поддршка, развој и стимулирање на недоволно развиените подрачја во општина Крушево, депопулационите подрачја и подрачје со специфични потреби. Преку предлог-проектот ќе се исполни мерка 2.1 од Стратешката цел 2. Исто така, преку реализација на предлог-проектот ќе се овозможи изградба на транспортна инфраструктура со порамномерна дистрибуција во планските региони. Со ова се опфаќа мерка 1.3 од Стратешка цел 1 која се однесува на „порамномерно економски развиени, еколошки одржливи и конкурентни плански региони, низ доследно спроведена паметна специјализација и посилно стимулирање на приватните инвестиции во синергија со јавните инвестиции. Реализацијата на предлог-проектот ќе резултира со модерна транспортна инфраструктура, која, пак, ќе овозможи отворање на можности за подобра комуникација на релација село-град и поврзливост со инвестициите во индустриската зона „Опаленик“ во општина Крушево каде што има голем број на вработени од предметните населени места.