ПРОЕКТ ДЕТАЛИ

Минатата година Општина Кочани го реализираше проектот за булеварско решение на улицата од крстосницата формирана од ул.„Стево Теодосиевски“, ул.„Маршал Тито“, ул. „Глигор Апостолов Гочо“ и ул.„Никола Карев“ до крстосницата формирана од ул.„Стево Теодосиев“, ул.„Страшо Ербапче“ и ул.„Димитар Влахов“, со што се градот модерен булевар со по две ленти во еден правец. Со самото тоа се наметна потребата од зголемување на нивото на услуга и безбедноста во сообраќајот во овој дел на градот, односно подобрување на сообраќајот и овозможување на безбедно движење на сите учесници во сообраќајот ( возачи и пешаци). Потребно е да се утврдат основните параметри за режимот на сообраќај кои се потребни за непречено и безбедно одвивање на сообраќајот во делот на крстосување на предметните улици во општина Кочани. Моментално на предметната локација постојат импровизирано обележени сообраќајни кружни крстосници без соодветна хоризонтална и вертикална сигнализација, поради што сообраќајната сигурност ии безбедност во овој дел од градот е на незадоволително ниво. Заради решавање на овој проблем Општина Кочани изработи два основни сообраќајни проекти со кои се предвидува режимот на сообраќај утврдеден во согласност со Министерство за внатрешни работи на овие крстосници со воведување на две нови кружни крстосници изведени со модули изработени од PVC материјал, во две бои (црна и жолта) кои ќе се поставуваат наизменично со шрафење во асфалт. Исто така предвидено е поставување на комплетна вертикалната сообраќајна сигнализација (сообраќајни знаци поставени на носачи – метални столбови согласно важечките стандарди и нормативи на сообраќајните знаци), како и неопхпдна хоризонтална сигнализација (надолжни линии, разделни линии, линија водилка, пешачки премини, линија за запирање, стрелки, полиња за насочување на сообраќајот, шрафура и др.). Со реализацијата на овој проект за режим на сообраќај на овој дел од градот Кочани, ќе се обезбеди потребното ниво на услуга и висок степен на безбедност и поголем проток на возила со што би се подобрил квалитетот како на моторизираниот, така и на немоторизираниот сообраќај во делот на крстосување на предметните улици во општина Кочани. Исто така ќе се намалат издувните гасови што ќе даде допринос кон заштитата на животната средина и намалување на аерозагадувањето во општина Кочани.