ПРОЕКТ ДЕТАЛИ

Со проектот за реконструкција на тротоарите на ул. Моша Пијаде од лева страна од спој со веќе постоечки тротоар до спој со тротоар на ул. Маршал Тито во Берово ќе се изведат тротоари во должина од 680 метри. Поради моменталната состојбата на улицата на која поголемиот дел нема тротоари за пешаци, односно истите се земјани површини или зазеленети површини во значителна мера е нарушена безбедноста во сообраќајот и безбедноста на пешаците за што се наметнува потребата од ургентна изградба на тротоарите, без притоа да се наруши состојбата со коловозот или попречи движењето на сообраќајот и нивно уредување во рамките на постоечката состојба. Предметните тротоари на улицата Моша Пијаде се наоѓаат на територијата на градот Берово и се протегаат на една од најпрометните улици во градот. Моменталната состојбата на улицата е небезбедна за пешаците и движењето на моторни возила е во отежнати услови, бидејќи пешаците се движат по коловозот. Улицата е дел од регионалниот патен правец Р-524 (Берово граничен премин Клепало) која се протега од центарот на градот-спој со улица Патизанска, и се до излезот од градот, спој со ул. Маршал Тито и патот кој води до Беровско езеро и граничниот премин Клепало