ПРОЕКТ ДЕТАЛИ

Вардарскиот регион изобилува со водни ресурси, разнолика природа и во него се лоцирани повеќе заштитни природни подрачја. Регионот се базира на принципот одржлив развој, што вклучува и зачувување на животната средина и со тоа создавање на здрава животна средина. Селото Чифлик се наоѓа во средишниот дел на територијата на Општина Демир Капија, на десниот брег на р. Дошница, а над нејзиното устие со р. Бошавица. Ова село изобилува со природни убави, недопрена природа, археолошки наоѓалишта и многу др. културни и природни знаменитости, но за жал населението се соочува со недостаток од канализациона мрежа. Излевањето на фекалии во природните ресурси и непостоењето на фекална канализација претставува еколошка катастрофа, односно доведува до мешање на фекалиите од домовите на месното население и излевање на истите по земјоделските површини на кои што се одгледуваат земјоделски култури кои што секојдневно ги конзумираат како месното население, така и сите останати жители од регионот. Со целосна реализацијата на овој проект би се подобрил животниот стандард на жителите, со подобар квалитет на живот, поздрав воздух, вода и почва и целосна здрава средина. Проектот ќе ги промовира иновациите и екологијата како принципи во одржливиот развој и ќе понуди решенија и услуги соодветни на потребите на сите корисници, од сите генерации. Како додадена вредност проектот ќе придонесе и кон зајакнување на туристичката понуда во регионот, посебно од аспект што местоположбата на селото е во непосредна близина на нашите национални богатства Демиркаписка клисура, планината Кожув, каде што на највисоките делови на планината се развиени изворишните челенки на реките Дошница и Бошава.Изградбата на фекалната канализација, односно изградбата на целосно нова линија за фекална канализација која ќе започнува кај селото Чифлик, ќе ги запре сите потенцијални жаришта на заразни болести, опасност за квалитетот на градинрските култури за сите категории население, без разлика на возраст, пол, верска припадност, попреченост итн. Подобрените услови за живот пред се на локалното население, како и подобрувањето на квалитетот на животната средина, ќе преставува придобивка за сите поединци и групи што на било кој начин учествуваат во општественото живеење, без разлика на нивната различност.