ПРОЕКТ ДЕТАЛИ

Село Иванковци е село во Општина Велес, лежи на надморска височина од 480 метри и се наоѓа во горното сливно подрачје на реката Отовица. Од градот Велес е оддалечено 20км. Иванковци се наоѓа во областа Повардарие под Градиштанска планина. Иванковци е развиено село, во кое работи осумгодишно училиште, амбуланта, има фабрички погон, пошта, продавници, ресторани и угостителски објекти. Површината на селскиот атар изнесува 30км2. Климата е изменета континентална со силно влијание од Егејскиот дел. Детското игралиште зафаќа површина од 920м2. Парцелата сe граничи со локална улица од која директно се пристапува. Постојната површина претставува земјена, зелена површина со големина од 920м2. Во рамките на опфатот кој е предмет на разработка, согласно ажурираната геодетска подлога не се забележуваат објекти од електрична инсталација.