ПРОЕКТ ДЕТАЛИ

Потребата за реализација на предлог- проект „ Реконструкција на Улица 8 во с. Дорфулија, Општина Лозово , со цел развивање на современа патна инфарструктура во регионот“ е од суштинско значење, не само за жителите на село Дорфулија , туку и за сите жители од Општина Лозово. Предметниот локален пат се наоѓа во КО Дорфулија,на територијата на општина Лозово.Постоечката сообраќајница е во употреба повеќе години и истата има земјена коловозна конструкција која е во доста лоша состојба .Покрај ова населено место минува магистралниот пат А3М Велес- Штип. Имено, улицата во село Дорфулија која е предмет на реализација на нашиот предлог - проект во моментов е во многу лоша состојба и е во кал поради врнежливиот период. Истовремено, на истата има нерешен истек на атмосферските води што навистина го отежнува движењето и мобилноста на жителите. Дополнително, овие лоши услови го попречуваат секојдневното функционирање на моторните возила и целокупната земјоделска механизација. Преку проект МСИП на Светска банка во 2018 година беа изградени 3 улици во село Дорфулија.