ПРОЕКТ ДЕТАЛИ

Селото се наоѓа во западниот дел на територијата на Општина Демир Капија, сместено на десниот брег на реката Вардар. Селото е ридско, на надморска височина од 230 метри, а од градот Неготино е оддалечено 12 километри. Од градот Демир Капија, селото е оддалечено 10 километри.Селото се наоѓа на место каде што се соединуваат Вешка Река и Лопатички Дол (Наново), сместено на благите падини на проширената долина. Прждево е затскриено зад еден рид од главниот пат. Во селото се наоѓаат чешмите: Чешало, Мамудица, Сулинар, Бурга, Сулинарка, Љутова, Коцова и Хуткина. Под месноста Лопатица се наоѓа изворот Наново, каде порано се наоѓале четири чешми. Иако селото има повеќе чешми и извори на вода, сепак во селото нема доволно вода во одредени периоди од годината. Селото Прждево не е доволно развиено и има несоодветна патна инфраструктура, а тоа придонесува бројот на населението да се движи по надолна линија и се повеќе луѓе да се иселуваат. Отежнат е пристапот до местата каде сеуште има неасвалтирани улици, а поради тоа е нарушена безбедноста и квалитетот на живот на жителите на с.Прждево. Несоодведната сообраќајна инфраструктура доведува до намалена комуникација и отежнат транспорт