ПРОЕКТ ДЕТАЛИ

Изработка на техничка документација за изработка на основни проекти за реконструкција на локални патишта заедно со елаборати за влијание на патот врз животната средина и потребни геодетски елаборати и ревизии на проектната документација. Со изработената техничка документација за локалните патишта во маалите Аџинци, Крстичинци во с. Младо Нагоричане како и пат во с.Добрача општина Старо Нагоричане, понатаму би аплицирале до сите валидни институции и Европски фондови за изградба на овие локални патишта. За подрачјето на кое се планира изработка на техничка документација и реализација на истата во моментов има многу лоши услови за движење. Поради преголемите оштетувања движењето по постоечките земјени патишта е отежнато и покрај сите досегашни активности и напори на општина Старо Нагоричане за поправка на истите. Населението од овие села кога има обилни врнежи од дожд и снег не е во можност да се движи со сопствените моторни возила поради лошата состојба на патот. Не постојат ниту елементарни услови овие населени места да бидат поврзани со директни линии за превоз на патници со општински центар во Старо Нагоричане и најблискиот град Куманово. Дистрибуцијата на сточарските и земјоделски производи е отежната заради лошите патишта и можноста за расипување и уништување на истите пооради лошите услови на патот. Како крајни корисници од целосното завршување на овој проект ќе бидат сите жители во ова населено место, а и жителите на другите околни населени места кои имаат потреба и ги користат овие патишта. 2.Изградба на канализација во Старо Нагоричане, Со текот на времето и зголемувањето на домаќинствата во с. Старо Нагоричане се зголемува и потребата за изградба на канализационен систем со прочистителна станица.. Со реализација на овој проект ќе се придонесе до поголема заштита на животната средина како и спречување на загадување на истата.