ПРОЕКТ ДЕТАЛИ

Општина Вевчани е единица на локалната самоуправа лоциранa во крајниот Југозападен плански регион. Општината е една од најмалите единици на локалната самоуправа со вкупен број на жители од 2359, согласно последниот официјален попис. Во рамките на општината влегува само едно населено место Вевчани. Општина Вевчани е една од најмалите општини во државата со рурален карактер, меѓутоа согласно Законот за локалната самоуправа извршува подеднаков број на надлежности како и најголемите општини. Се поголем е бројот на надлежности кои се пренесуваат до општините, а финансиските средства во буџетот се поограничени. За таа цел, општините се приморани да превземаат мерки за заштеда на средства во годишниот буџет од една страна, но и доследно да ги извршуваат своите законски надлежности. Во таа насока е и реализацијата на овој предлог проект кој има за цел да ги зајакне капацитетите на општина Вевчани за квалитетна и континуирана испорака на локалните комунални услуги, односно да ја унапреди инфраструктурата за собирање на отпад од територијата на општина Вевчани.