ПРОЕКТ ДЕТАЛИ

Општина Боговиње е голема рурална општина со повеќе од 30.000 жители.Селото Пирок административно и припаѓа на општина Боговиње со околу 4710 жители.Урбаниот дел се наоѓа на надморска височина од околу 490,00мнв а најгорниот дел до 580,00 мнв.Од оваа релативно голема висинска денивелација произлегуваат проблемите при појавата на врнежи.Таложејќи се наносот представува пречка на движењето на водата од врнежите и при тоа доаѓа до затрупување на земјаниот канал што доведува до поплавување на селото.Со регулација на каналот би се решил проблемот со поплавите а исто така би можел да се користи за прифаќање на површински води од локалниот пат. Селото Селце –Кеч исто така административно припаѓа на општина Боговиње. Општинскиот пат за Селце –Кеч е трасиран пред неколку години каде по должината на трасата на патот се присутни видливи оштетувања поради атмосферските влијаниа како и наслаги од земја.Со се поголемиот развој на општината се појавува потреба за модернизација како на постојната сообраќајна мрежа така и изградба на нови патишта во овој дел.Локалното население од селото Селце -Кеч–го користи постојниот земјан пат кој е во многу лоша состојба и не одговара на потребите за безбедно и непречено одвивање на сообраќајот.Со изградба на овој локален пат би се решило подобрувањето на комуникацијата на н.м. Селце –Кеч со општинскиот центар Боговиње и пошироко.