ПРОЕКТ ДЕТАЛИ

Селото Гермијан се наоѓа во Југоисточниот дел на Општина Новаци, во непосредна близина на границата на Грција. Според последниот официјален попис во 2021 година, бројот на жители во ова населено место изнесува 195. Оваа бројка константно се намалува, со оглед на масовното иселување на младите лица, кои најчесто се преселуваат во Општина Битола, но и во странство, барајќи подобар живот, подобар пристап до пазарот на труд, подобра социјална заштита и локални услуги. Општина Новаци, континуирано се труди да им обезбеди подобри услови за живот на населението од овој дел на општината, со цел да го задржи останатото население и да спречи миграција, односно иселување. Реализацијата на овој проект, реконструкција на улица во с.Гермијан е токму во оваа насока, со што би се придонело за стимулирање на развојот во ова населено место, како недоволно развиено, депопулационо подрачје. Предмет на реконструкција е улица во с.Гермијан (Оска-1) со должина од 498,238 м. и Оска-2 што се спојува од Оска-1 со должина од 70,299 м. Постојната состојба на улицата е во многу лоша состојба со подолжни и попречни пукнатини и оштетувања. Улиците се составени од постоечки коловоз со променлива ширина од 3.0 м. до 4.0 м. со две сообраќајни ленти.