ПРОЕКТ ДЕТАЛИ

Предлог проектното решение е дел од Основниот проект “Регулација на дел од корито на отворен канал/дол во н.м Будинарци, Општина Берово” Населеното место Будинарци е дел од Општина Берово со околу 700 жители. Локацијата му е од десната страна на река Брегалница, на регионалниот пат Виница - Берово. Оддалеченоста од Берово е 12км. Атарот на селото е доста голем и зафаќа површина од околу 47 км2. По целата должина низ центарот на селото минува отворен канал/дол кој ги собира атмосферски води од слив со површина од 2.64м2 и кој се влева во р. Брегалница. До сега каналот/долот во две фази е уреден и канализиран во должина од околу 217м, додека другиот дел не е уреден. Регулираниот дел е изведен со корито со ширина од 3,1м со минор и мајор корито и е во должина од околу 217м. во првите две фази. Дното на каналот е изведен од камен во цементен малтер како и вертикални ѕидовите исто така изведени од камен во цементен малтер. Самиот канал/дол минува покрај главната улица на селото а бидеќи во поголемиот дел од својата должина не е уреден го поткопува и трупот на патот . Неуредениот дел од долот е и собиралиште на отпад , што пак претставува дополнителен проблем. Затоа како приоритет се наметнува потреба од изработка на техничка документација за регулација на неуредениот дел на отворен канал/дол во село Будинарци, особено ако се знае дека на овој потег се собира големо количество на вода, и може да дојде до изливање на водите по околните куќи и имоти.