ПРОЕКТ ДЕТАЛИ

Со овој проектот се предвидува реконструкција на една улица, „Братство Единство“ во село Селемли , Општина Богданци. Реконструкцијата на улицата што е предмет на овој проект претставува заокружување на секундарната улична мрежа во село Селемли. Во изминатите години, со средства од Бирото за Регионален развој, од Агенцијата за финансиска поддршка на земјоделието и руралниот развој и од сопствени средства се реконструираа најголемиот дел од улиците во село Селемли и како поголем зафат за реализација остана улицата „Братство Единство“. Активности од ваков вид во ова село ќе бидат потребни за помали зафати, краци од улици или исклучиво доколку се јави потреба за пробивање и изградба на нови улици. Улицата „Братство Единство “ е од повеќенаменски карактер и преставува стамбена улица која ги поврзува нејзините жители со собирната улица во селото, но е и пристапна улица до земјоделските површини каде секојднево жителите од Селемли ги извршуваат своите работни задачи. Со реализацијата на овој проект во едно населено место во општина Богданци комплетно ќе се промени состојбата со локалната сообраќајна инфраструктура, која беше многу лоша и на подолг рок ќе се обезбеди квалитет во условите за живот во Селемли, подеднакви со условите во другите населени места. Сето ова ќе овозможи развој на селото, подобрување на условите за задржување на младата популација во местото.