ПРОЕКТ ДЕТАЛИ

Општина Гевгелија е во постојана координација со Јавното комунално претпријатие Комуналец и во нивната соработка е воспоставен систем во функција на собирање и одложување на отпад од секое домаќинство во општина Гевгелија.Во општината покрај обичните контењери за собирање на отпад поставени се соодветни контењери за рециклирање на отпад и канти за отпад за домаќинствата но нивниот број е далеку од доволен. Локалната самоуправа и јавните комунални претпријатија имаат обврска да воспостават инфраструктура што ќе им ја олесни примарната селекција на граѓаните. Граѓаните и на тој начин ќе ги мотивираат уште повеќе да селектираат и да се грижат за околината во која живеат.Со имплементацијата на овој предлог проект ќе се надмине проблемот од недостаток на соодветна опрема за отпад – контењери за селекција на отпад и канти за отпад, и претставува основа за понатамошно подигнување на свеста на граѓаните за селекција и рециклирање на цврст отпад, но и набавка на дополнителна опрема - контењери за селекција на отпад и канти за отпад со цел покривање на сите домаќинства во градот Гевгелија, но и населените места. Со проектот се предвидува набавка и поставување на 56 контењери за селекција на отпад и 2086 канти за отпад, што претставува покриеност од 30% од домаќинствата.