ПРОЕКТ ДЕТАЛИ

Туристичките потенцијали со кои располага Југоисточниот плански регион сами по себе не се доволни за привлекување на домашни и странски туристи, затоа неопходно е постојано збогатување на туристичката понуда и инвестирање во нови содржини. Дојран заедно со Дојранското Езеро е една од териториите во Југоисточниот плански регион која располага со доста поволни туристички потенцијали. Општина Дојран се наоѓа во јужниот дел од Република С.Македонија, покрај македонско – грчката граница. Дојран има одлични климатски услови, богата историја, а со тоа и огромен потенцијал за развој на туризмот. Езерскиот и гастрономскиот туризам го имаат приматот. Транзитниот туризам е особено развиен во изминатите години, а постојат опции и за други алтернативни форми на туризам како што се: еко туризам, риболов со помош на птици, историски туризам, здравствен и спортски туризам.