ПРОЕКТ ДЕТАЛИ

Современиот начин на живот, брзиот индустриски и технолошки развој, зголемувањето на популацијата на земјата, а во последните три години и пандемијата од вирусот Ковид 19 се главни причини поради кои доаѓа до перманентно зголемување на потрошувачката на енергија на глобално ниво и зголемувањето на нејзината цена. Токму затоа, обезбедувањето на сигурни и стабилни извори на енергија станува еден од најголемите проблеми со кои се соочува современиот свет. Конвенционалните извори за добивање електрична енергија како што се фосилните горива (јаглен, нафта, природен гас и др.) вршат сериозно негативно влијание врз животната средина во целина, врз луѓето, растителниот и животинскиот свет. Како резултат на согорување на фосилните горива доаѓа до емисија на јаглерод диоксид, јаглерод моноксид, сулфур диоксид и други стакленички гасови во воздухот кои ја загадуваат средината, го загрозуваат живиот свет и имаат негативно влијание врз климатските промени. Искористувањето на фосилни горива за производство на енергија во современите услови на енергетска потрошувачка задоволуваат околу три четвртини од енергетските потреби во светот. Поради големото исцрпување на овие енергетски ресурси, во иднина тие ќе стануваат сè повеќе недостапни и поскапи. Како резултат на тоа, во последните неколку децении се вложуваат големи напори во изградба на енергетско ефикасни објекти и зголемување на производството на електрична енергија од обновливи извори на енергија. Во Југоисточниот регион постојат јавни објекти кои се користат од страна на голем број граѓани, а се во руинирана и многу лоша состојба со застарена инфраструктура врз која дополнително негативно влијаат климатските фактори и надворешните влијанија, што доведува до зголемена потрошувачка на електрична енергија за нивно затоплување за да се создадатповолни услови за работа и извршување на секојдневните активности. Кај дел од тие објекти и покрај големата потрошувачка на електрична енергија е скоро невозможно да бидат загреани и да се создадат услови за нормално функционирање. Од ист таков тип се и таргетираните објекти во општините Гевгелија, Радовиш и Босилово за кои со проектот е предвидена реконструкција и адаптација со замена на кров, столарија, енергетски ефикасна фасада и поставување на фотоволтаици на еден од објектите со цел намалување на трошоците. Подобрувањето на енергетска ефикасност и намалувањето на потрошувачката на eлектрична енергија на јавни објекти во три оштини Радовиш, Босилово и Гевгелија