ПРОЕКТ ДЕТАЛИ

Загадувањето на животната средина претставува еден од најголемите проблеми со кои се соочува светот денес и кој за жал се зголемува со секоја измината година, а штетите кои загадувањето ги предизвикува на Земјата и живиот свет се сѐ потешко поправливи. Чистата животна средина влијае кон подобрување на квалитетот на животот и здравјето на луѓето. Значаен предуслов за развој на Југоисточниот регион се чиста животна средина и заштита на природните ресурси. Чист воздух, стабилна клима, доволно вода, санитарни услови и хигиена, хемиска безбедност, заштита од радијација, здрави и безбедни работни места, здрави земјоделски практики, градови кои го поддржуваат здравјето и изградени средини и одржувана природна средина се предуслови неопходни за добро здравје. Трите општини од овој регион (Струмица, Конче и Василево) се договорија партнерски своите активности да ги насочат кон заштита и унапредување на животната средина преку подобрување на комуналната инфраструктура и системите за прифаќање на атмосферските и отпадните води.