ПРОЕКТ ДЕТАЛИ

Целиот Југозападен плански регион претставува една економска регионална целина и препознатлива туристичка дестинација, значајна на национално ниво, при што посебно за истакнување се природните и културни вредности на Регионот. Во овој контекст, во проектов, акцент е ставен врз дел од вредностите со кои располагаат таргетираните општини со цел истите да бидат ставени во функција на развој на руралниот туризам, преку планираните подобрувања на патната инфраструктура. Дебарското Езеро или Шпиље е вештачко езеро кое се наоѓа јужно од Дебар на надморска височина од 490 m. Површината на езерото е 13,2 км2, вкупната должина 22 km, а најголемата длабочина 94 m. Езерото се напојува од водите на реките Црн Дрим и Радика, како и од водите на речните токови што се формираат на југозападната страна на планината Осогово и североисточната страна на планината Јабланица. Бреговите на Езерото влегуваат во атарот на општините Дебар и Центар Жупа, кои прават напори за искористување на овој значаен ресурс за развој на туризмот. Во тој контекст треба да се споменат и геотермалните извори во Бањишта и Косоврасти како значајни ресурси за бањскиот туризам во државава. Споменикот на природата - Вевчански извори преставуваат заштитена еколошка зона, и пријатно катче за одмор и рекреација. Се наоѓаат на надморска височина од околу 960 m, додека населбата Вевчани се протега на надморска височина од 840 m. Вевчанските извори во внатрешноста се составени од 7 помали извори кои се соединуваат и го сочинуваат текот на реката викана Матица или Вевчанска река. Изворите претставуваат исклучително значаен хидролошки, односно хидрогеолошки локалитет кој според своите карактеристики е од посебен интерес за науката, но и за посетителите што тука, во текот на целата година, доаѓаат од земјава и странство. Надвор од населбата особено значајни за развој на различни форми на туристички активности на планина се локалитетите Јанков Камен, населбата Горна Белица, патеките на Јабланица, како и глацијалните форми – Вевчанска локва и Подгороичко Езеро. Реката Треска започнува од силен карстен извор во близина на селото Извор кај Кичево на надморска височина од 740 m. Капацитетот на изворот варира од 600 до 4000 l/sec и е највисок во мај, а најнизок во текот на летниот период и во почетокот на есента. Од изворот во близина на селото Извор низводно, преку населбите од Кичево и Пласница до градот Македонски Брод, течението на реката го следи западно-источниот правец. Кај Македонски Брод, реката свртува кон север и го следи овој правец се до Скопската котлина, каде се влева во реката Вардар на надморска височина од 200 m. Општината Пласница е во голем хендикеп во планирањето на развојот поради мошне лошата патна мрежа. Токму селата каде што има одлични компаративни предности за успешни аквакултурни проекти, еколошко овоштарство и сточарство не се поврзани со асфалтен пат, туку со лош макадамски пат. Такви се и населбите во Кичевскиот реон, како и Лисичани и Преглово од Општина Пласница. Патната мрежа и општинската локална инфраструктура е од посебно значење за давање квалитетни туристички услуги од страна на локалните чинители. Истата е клучна за поефикасен, побрз и непречен транспорт на туристи, локалното население, и транспорт на добра, поврзани со локалната економија и туризмот. Непреченото и квалитетно туристичко искуство и доживување се од исклучително значење за туристичката и другите сродни економски дејности и активности во Регионот. Мерките од овој регионален проект се елаборирани подетално подолу: 1. ОПШТИНА ЦЕНТАР ЖУПА – Рехабилитација/Реконструкција на краци во н.м. Мал Папрадник Со проектот се врши рехабилитација, односно реконструкција на три краци - 2,3 и 5 во н.м. Мал Папрадник и со постојната реконструкција на кракот 1 (што се врши со годинашниот одобрен проект од страна на БРР) од населеното место до Дебарското Езеро и уникатниот Дебарски остров, се заокружува патната ифраструктура која отвора можности посетителите што доаѓаат во Центар Жупа да можат да ги користат благодетите на Езерото за спортски и рекреативни активности: викенд претстој и сместување, лов, риболов, спортови на вода, пешачење, велосипедизам и сл. Согласно изработениот технички проект предвидена е рехабилитација на двата краци 2 и 3, а на кракот 5 е предвидена реконструкција. Кракот 2 е со должина од 787 m, Кракот 3 е со должина од 423 m, и Кракот 5 со должина од 60 m, а просечната широчина на сите околу 3,5 m. На двата краци (2 и 3) со рехабилитацијата предвидено е гребење на асфалтот, санација на пукнатините (т.н. „крокодилска кожа“) по краевите на коловозот, поставување на нов асфалтен слој од 7 cm и изработка на банкини. Покрај тоа предвидено е проширување на коловозот на одделни места каде што пукнатините се големи и со цел да се изврши добро поврзување предвиден е овој зафат. За кракот 5 предвидена е реконструкција која опфаќа изработка на подтло, постелка, долен носив слој од тамопнски материјал и поставување на нов асфалтен слој од 7 cm, според утврдени технички спецификации. 2. ОПШТИНА ВЕВЧАНИ - Реконструкција на локална улица „Трафо-Бубаној-Смолејца“ Локалната улица „Трафо-Бубаној-Смолејца“, односно Фазата 2 што е предмет на реконструкција во н.м. Вевчани ќе го подобри пристап за посетителите до Споменикот на природата „Вевчански извори“, потоа до рекреативните простори надвор од селото како што е Јанков Камен и населбата Горна Белица, патеките на Јабланица, како и до глацијалните форми – Вевчанска локва и Подгоричко Езеро. Од извршените теренска проспекција и увид на лице место утврдено е дека по целата должина и ширина предметната локална улица има мрежасти пукнатини, како и санирани делови од прекопи и ударни дупки. Од тие причини предвидено е да се изврши реконструкција на дел од стационажа 0+0,420 до стационажа 0+809,12 прикажана во основниот проект како Фаза 2. Просечната широчина на улицата е околу 3,5 m. Реконструкција опфаќа ископ на посточеки асфалтен слој, изработка на подтло, постелка, долен носив слој од тамопнски материјал и поставување на нов асфалтен слој од 7 cm, според утврдени технички спецификации. Покрај тоа предвидено е да се изработат банкини и бетонски канал за одводнување, согласно техничка спецификација. 3. ОПШТИНА ПЛАСНИЦА – Изведба на локални улици во Лисичани и Преглово Населбите Лисичани и Преглово во Општината Пласница се простираат на бреговите на реката Треска, еден од најважните ресурси на чиста вода во државава, која согласно Просторниот план го наметнува проблемот за зачувување на квалитетот на водите на реката која е од I-ва, односно II-ра категорија. Со документот истовремено се усогласуваат и развојните потреби на локалното население, па во тој домен првостепено е подобрувањето на локалната инфраструктура преку уредување на земјените коловози со бехатон плочи во овие две населени места. Четирите улици што се предмет на реконструкцијата во Лисичани се наоѓаат во централниот дел на населеното и нивната вкупна должина е 320 m. Овие улици се со земјен коловоз и се дел од патната мрежа на населеното место и служат за задоволување на потребите на локалното население и поврзување со останатата патна мрежа во општината. Согласно изработениот технички проект предвидено е да се извршат следниве зафати: ископ на посточека подлога, изработка на подтло, постелка, долен носив слој од тамопнски материјал, песочна подлога врз која ќе бидат поставени бехатон плочи со дебелина од 8 cm, според утврдени технички спецификации. Во Преглово со реконструкцијата се опфатени краците на улицата ПР19 со вкупна должина од 237m. Овие улици се со земјен коловоз и се дел од патната мрежа на населеното место и служат за задоволување на потребите на локалното население и поврзување со останатата патна мрежа во општината. Согласно изработениот технички проект предвидено е да се извршат следниве зафати: ископ на посточека подлога, изработка на подтло, постелка, долен носив слој од тамопнски материјал, песочна подлога врз која ќе бидат поставени бехатон плочи со дебелина од 8 cm, според утврдени технички спецификации.