ПРОЕКТ ДЕТАЛИ

Реализацијата на овој регионален проект ќе резултира во значително намалени емисии на загадувачки материи во воздухот, како и во економски заштеди на општинските буџети. Во услови на зголемени трошоци за енергија во глобални рамки, и тенденции за зелена енергија и зголемено производство на енергија од обновливи извори, планираните активности ќе придонесат кон намалување на потребата од увоз на енергија, заштеда на средства, поквалитетна животна средина, како и намалување на ризикот од разни болести предизвикани од штетни материи кои се резултат на производството на енергија. Општина Струга: проектот претставува инвестициска активност во фото-напонски системи кои ќе бидат поставени во пет (5) објекти во општината и тоа во три основни училишта, една градинка и едно средно училиште. Вкупната инсталирана моќност се планира да изнесува околу 178 kWp. Со оваа активност се очекува да се намалат трошоците за електрична енергија кои овие објекти ги имаат, а сите пет објекти на годишно ниво би заштедиле околу 2,1 милиони денари. Општина Дебар: проектот претставува инвестициска активност во фото-напонски системи кои ќе бидат поставени во два (2) објекти во општината и тоа во општинската зграда и спортската сала. Вкупната инсталирана моќност се планира да изнесува околу 75,2 kWp. Со оваа активност се очекува да се намалат трошоците за електрична енергија кои овие објекти ги имаат, а двата објекти на годишно ниво би заштедиле околу 908.000 денари.