ПРОЕКТ ДЕТАЛИ

Развивањето на совемена и функционална сообраќајна инфраструктура ќе придонесе кон подобрување на квалитетот на живот на локалното население, ќе се создадат услови за подобар (локален ) економски развој, ќе се подобри лошата состојба со локалната патна инфраструктура во руралните средини, ќе се придонесе во намалување на разликите во развојот на транспортната инфраструктура помеѓу населените места во општина Богданци, помеѓу општините во рамки на Југоисточниот регион, како и намалување на разликите помеѓу регионите. Состојбата со транспортната инфраструктура во Југоисточниот регион споредена со другите региони во Македонија е во многу полоша кондиција. Општина Богданци во рамки на Југоисточниот регион има една од најслабите патни инфраструктури, застарена, нефункционална, оштетена, неизградена. Споредено, во рамки на општината, состојбата со локалните улици е многу полоша од состојбата со локалните патишта. Со проектот се планира реконструкција на улица „Владо Пиперов“ во село Стојаково во Општина Богданци. Во Стојаково како најголемо населено место во општина Богданци се наоѓаат објекти на повеќе важни институции- општинското основно училиште, спортската сала,црквата, амбулантата и поштата. Ова имплицира дека покрај решавање на основниот проблем со сообраќајната инфраструктура, ќе се овозможи полесен и побрз пристап до овие институции и полесно задоволување на секојдневните потреби на локалното население. Реализацијата на проектот ќе обезбеди - олеснување на локалната комуникација на населението, подобрување на пристапот на земјоделците до нивните ниви, безбедност во сообраќајот и за пешаците, подобрување на квалитетот на животот - задоволување на разните социјални, рекреативни и резиденцијални потреби на граѓаните од оваа локална заедница.