ПРОЕКТ ДЕТАЛИ

Работата на ПСОВ во Општина Прилеп, која е изградена со кофинансирање од страна на ЕУ, е загрозена поради голем нанос од песок при обилни атмосферски врнежи. Количините на песок се далеку поголеми од проектираните вредности. Со тоа се оштетуваат пумпите и доаѓа до нивно побрзо абење. ПСОВ е со проектиран капацитет од 90.000 е.ж. и има можност за поголем регионален опфат. Во ПСОВ има песколовец, но потребно е да се изгради таложник за песок со што ќе се заштити инвестицијата и ќе се продолжи нејзиниот работен век. Непречистените отпадни води од Општина Новаци и од Општина Прилеп (кога ПСОВ е вон функција) се испуштаат преку притоката Блато или директно во Река Црна која пак поминува низ повеќе општини од регионот пред нејзиниот влив во река Вардар и со тоа има негативно влијание врз загадувањето на животната средина во целиот Пелагониски плански регион. Селото Добромири се наоѓа на околу три километри северно од Новаци, во близина на течението на Црна Река или на самиот брег на старото течение на Црна Река, на надморска висина од 581 м. Низ селото минува регионалниот пат Р-2340 (врска со Р1101 – Добрушево – Новаци – Бач (врска со Р-2338)). Конфигурацијата на теренот е таква да спаѓа во категоријата на рамничарски терен со падови спрема север односно кон Црна Река. Селото поради процесот на иселување, делумни и поради несоодветна комунална инфраструктура, од големо премина во средно село, и сега брои околу 350 жители. Во с. Добромири во Општина Новаци нема канализациона мрежа која завршува во единствен заеднички колектор, кој би ги одвел фекалните води до локацијата на новопредвидената ПСОВ. Моментално отпадните и дел од фекалните води истекуваат слободно по површината на теренот кон селските долови, а дел од од отпадните и фекалните води од домаќинствата се прифаќаат со примитивни септички јами без прелив. Сето ова претставува потенцијален извор за појава на епидемиолошки и заразни заболувања на населението, а исто така ја загадуваат и почвата. Пелагонискиот регион е најголемата житница и место каде се произведуват градинарски култури кои се продаваат во регионот и пошироко. Со спроведување на проектот се спречува загадувањето на почвата и се обезбедува почиста вода за наводнување и производство на здрави земјоделски производи.