ПРОЕКТ ДЕТАЛИ

Селата Варовиште, Кошари и Б’с се наоѓаат во подножјето на Осоговските Планини на надморска висина од 770м до 1180м.Селата имаат изразито ридско планински карактеристики со агро- еколошки услови.Карактеристично за овие села е чистиот воздух, еколошка храна, богатство на флора и фауна и претставуват идеални места за рурален развој, развој на селски и планински туризам.Жителите на овие села со постојан и привремен престој се занимаваат со земјоделие, овоштарство и пчеларство. Локалниот пат се состои од два крака. Кракот 1 кој е опфатен со предлог –проектот започнува од км 2+ 010.00 до км 4+005.00 во с.Кошари , води кон с. Б’с и кон локалитетот Калин Камен кој се наоѓа под врвот Калин Камен на Осоговските Планини, истиот е земјен и е во многу лоша состојба и претставува проблем за локалното население и за потенцијалните туристи .Исто така во селото Кошари се наоѓа црквата Света Троица која поради лошиот пат и покрај големиот интерес посетителите не се во можност да ја посетат. Лошата патна инфраструктура го уништува потенцијалот за рурален развој , развој на туризмот а и мобилноста е намалена.. Со изградба на локалниот пат ќе се подобри животот на локалното население,ќе се подобри пристапноста до црквата Света Троица и до локалитетот Калин Камен,ќе се овозможи подобро инфраструктурно поврзување на овие села со градот ,ќе се зголеми потенцијалот за рурален развој и развој на планински туризам и ќе се унапреди конкурентноста на регионалната туристичка понуда.