ПРОЕКТ ДЕТАЛИ

Пелагонискиот плански регион се наоѓа под државниот просек за степенот на развиеност на инфраструктурата која овозможува социјална инклузија преку спорт и рекреација на ранливите категории како што се младите, децата од маргинализираните општествени категории, лицата со посебни потреби и стари лица (пензионери). Регионалните активности за социјална инклузија, меѓусебно запознавање и дружба, а за кои е неопходна современа инфраструктура како спортски терени, игралишта, патеки и паркови се во постојано намалување. Главен причинител за ова е непостоењето на социјално инклузивна инфраструктура, особено во руралните и помалите урбани средини каде живеат ранливи категории како што се руралните деца и млади, лица со посебни потреби и стари лица (пензионери). Поспецифично, нема соодветни пешачки и вело патеки и др. инфраструктура и урбана опрема за спорт на релација Тумбе Кафе (од делот кај ЗОО градина) – до населба Стрчин во Општина Битола. Постојните пешачки и вело патеки во парк шума Тумбе Кафе во должина од 2 км се наоѓаат на ридско – планински терен, кој на места е со многу големи подолжни нагиби на истиот и во голем дел обраснат со високостеблеста шума. Патеките кои ги користат граѓаните се со профил во усек, со присуство на корења од околните дрва, камења самци и видливи набраздувања како резултат на влијанието на атмосферските води. Во најголем дел истите се земјени, со непостојана ширина каде постои опасност за повреди на корисниците. Потребно е поврзување на постоечката патека со павер елементи кај летна сцена со постојната асфалтирана пешачка патека кај ЗОО градина, поставување на урбана опрема долж патеките (опрема за спортско рекреативни активности, маси и клупи, канделабри на сончева енергија, патокази и инфо табли), како и санација на постојните клупи и канти за отпадоци. На останатите земјани патеки до спој со АРМ 3, потребно е нивно чистење и проширување за да се добие унфицирана ширина. Заради сигурност на одредени места треба да се постават габиони (челична мрежа исполнета со камења).