ПРОЕКТ ДЕТАЛИ

Улицата „Филип Втори„ во Кривогаштани истовремено е дел од регионалниот пат Р1306 Прилеп-Крушево-Сладуево. Улицата е многу фрекфентна, има премногу сообраќај со моторни возила од сите категории кои се движат према Крушево и населените места од Општина Крушево. Исто така улицата е пристап до индустриската зона Опаленик во Крушево. Оваа улица е магистрална улица за Кривогаштани, и сите останати улици се вкрстуваат со истата. Улицата има асфалтен коловоз без тротоари и движењето на пешаците е крајно опасно. Посебно најголема фрекфенција на пешаци има на потегот од центарот во Кривогаштани до излезот према Крушево затоа што на тој потег од улицата лоцирана е здравствена станица во која се сместени приватни здравствени установи: матичен лекар, стоматолог, лабараторија, аптека Со основниот проект се предвидува проширување на коловозната конструкција и изградба на тротоари со вклучена атмосферска канализација. Фаза 2 од проектот опфаќа проширување на улицата од левата страна (гледано од запад кон исток) а со овој проект се гради најпотребниот дел од фаза 2 во должина од 620метри или стационажа 0+390 до 1+010,00 и изградба на тротоар од левата страна со вклучена изградба на атмосферска канализација Со изградбата на тротоарот во должина од 620м и со површина од 535м2 ќе се овозможи безбедно движење на пешаците кои живеат на тој дел од улицата (околу 300 лица) и кои имаат потреба од пристап до централното подрачје каде се сместени сите инстутуции: општинска администрација, основно училиште, верски објекти, трговски објекти, полиција, бензиски станици, зелен и сточен пазар, спортски објекти, како и на сите пациенти од Кривогаштани кои ги користат здравствените услуги во здравствената станица Кривогаштани. Исто така постоечката улица се проширува за 0,5м од левата страна во должина од 620м со што се овозможува бебедно одвивање и на сообраќајот. Со проектот се решава и одводнувањето на атмосферската вода на улицата во должина од 620м.