ПРОЕКТ ДЕТАЛИ

Пелагонискиот плански регион има недоволно развиена патна инфраструктура и потпросечна густина на патна мрежа. Поради непостоењето на тротоари и лош асфалтен слој, безбедноста на пешаците години наназад е загрозена особено после изградба и ставање во функција на нови резиденцијални и деловни објекти покрај постоечките патни делници. Возилата честопати се паркираат на улица што дополнително го отежнува движењето на учесниците во сообраќајот. Патната мрежа во регионот се повеќе се користи и од возила кои дистрибуираат разна стока за широка потрошувачка во општините од регионот и пошироко па изградбата на нова патна инфраструктура е повеќе од потребна како за зголемување на мобилноста и проодноста така и за овозможување на безбеден сообраќај на моторните возила и на пешаците низ регионот. Кај дел од локалната патна инфраструктура не е соодветно решено одводнувањето кое пак во услови на врнежи го оштетува коловозот. Поради лошата патна состојба на патниците им треба повеќе време и трошоци да стигнат од една општина во друга. Постои слаба внатрешна регионална патна поврзаност помеѓу општините Долнени, Кривогаштани и Ресен. Без соодветна патна инфраструктура не е можно развивање на МСП и посебно привлекување на инвеститори во регионот, ниту негово развивање како туристичка дестинација Улицата во н.м. Пешталево во Општина Долнени се наоѓа во многу лоша состојба, со коловоз од макадам кој повремено се тампонира, има голем број на ударни дупки на коловозот кои се поплавуваат при поројни дождови и особено во зимскиот период со што се загрозува безбедноста на учесниците во сообраќајот. Општините Долнени и Кривогаштани имаат најголем дел улици што се дел од регионалната повразност (на пр. регионалниот пат Р-1306 Прилеп – Кривогаштани поминува низ Кривогаштани по ул. „Филип II“, улиците во с. Обршани и с. Крушеани во Општина Кривогаштани се крак на регионалниот пат Р- 2335 и овозможувата пристап до станбени објекти, како и до училиште, фудбалски стадион, депонија и земјоделски парцели) На локалните патишта во Долнени и Кривогаштани треба да се реконструираат тротоари, соодветно да се реши одводнувањето, итн. Улиците „4 Јули“, „Милан Думов“ и „Наум Божиновски“ се наоѓаат во централното градско подрачје во Општина Ресен. Моменталната состојба на улиците е во лоша состојба со големи оштетувања кои влијаат на безбедноста во сообраќајот како и безбедноста на пешаците кои ги користат овие улици. Локалните патишта во Ресен имаат подземна инфраструктура (водовод и канализација) кои се исто во лоша состојба и за да се избегне нивно повторно прекопување потребно е истите да се реконструираат истовремено. На двете улици во Ресен треба да се реконструираат и тротоарите. Двете улици во Ресен го поврзуваат градот, едната со Пелагонискиот плански регион и другата со Југозападниот регион, тш улиците се дел од регионалната поврзаност.