ПРОЕКТ ДЕТАЛИ

Општина Карпош се простира во северозападниот дел од Македонија, централно западен дел на Град Скопје. Општина Карпош на својата источна страна се граничи со Општина Центар, на запад со Општина Ѓорче Петров, на северна страна со Општина Бутел, а јужно со планината Водно, каде се простира граничната линија со Општина Сопиште. Карпош има правец на простирање со површина од 35 км². Границата на Општина Карпош почнува од ул. Рузвелтова, па по должина се протега до крај на Бул. Партизански одреди т.е. до Порта Влае. Општина Карпош е поделена на 14 заедници, од кои 13 се урбани, а една рурална (Бардовци), додека пак делот во Горно Нерези кои се наоѓа на планината Водно и манастирот Св.Пантелејмон влегува во општина како подрачје со специфични развојни потреби. Што се однесува до бројот на жители во Општина Карпош според последниот Попис од 2021 година брои 63.760 жители од нив 33.633 жени, а 30.127 мажи. Еден од главните приоритети на Општина Карпош е оддржување на јавната чистота за што општината има ангажирано над 100 лица за одржување на чистотата и има набавено неколку возила и тоа: товарно возило за собирање на смет, две цитерни, еден кипер со дополнителна опрема рапрскувач на сол и плуг за чистење на снег, како и една машина шмукалка за ситен отпад за чистење на плоштади и други зелени површини. Со текот на годините опремата дотрајува, а потребата за одржување на улиците останува иста па дури и се зголемува. Иницијативата за набавка на револуционерен чистач на отпад со нула загадување е голем чекор во потребата за поголема грижа за унапредување на човековата околина и заштита на животната средина во општина Карпош. Преку набавка на овој чистач ќе се решат повеќегодишните проблеми околу најситното и најнедостапното место за собирање на отпад од сервисните улици, паркинзи и недостапни места на кои се паркираат автомобили со што ќе се намали на време во нивното рачно собирање (метење) на овој вид на смет. Чистачот работи на батерија и може да се користи на цела територија, составен е од вграден шмукачи за собирање на смет од најнедостапните места. Со тоа ќе може да се намали времето за собирање на ситниот смет кои се собира рачно од страна на ангажирани лица со помош на метли, а за возврат ќе може да се одржуваат и чистат поголеми површини т.е територии во текот на еден ден или седмица.