ПРОЕКТ ДЕТАЛИ

Црна Река и нејзиниот слив се најголемиот водотек во Пелагонискиот регион. Ако се изземе Преспанското езеро (кое е природна акумулација) реката претставува најголемиот хидропотенцијал и воден ресурс на регионот. Целиот тек на реката изнесува 207 километри а во зависност од геолокацијата, истиот може да има карактеристики на брза планиска река или на заезерена котлинска река. Вкупната површина на сливот на реката изнесува скоро 6.000 километри квадратни. Вкупниот број на притоки на Црна Река е повеќе од 20, а оние најзначајните со должина поголема од 10 км се: Шемница, Боишка Река, Стара Река, Драгор, Краешка Река, Вир, Лажечка Река, Јелашка Река, Коњарска Река, Трновчица, Градешка Река, Бутурица, Блашица, Каменица, Жаба, Журешница, Блато, Крушеичка Река, Дуњска Река и Раец. Реката Шемница е најзначајната притока на Црна Река во јужниот дел на Пелагонија. На неа е изградено Стрежевско езеро кое наводнува плодни земјоделски површини и обезбедува техничка вода за РЕК Битола. Во долниот дел на нејзиниот тек, Шемница ја наводнува и плодната почва на полето помеѓу Битола, Новаци и Могила. Со проектните активности се предвидува продолжување на активностите за регулирање и уредување на коритото на Црна Река, уредување на нејзиниот слив и нејзините притоки (трета фаза), односно регулација и партерно уредување на коритото на притоката Шемница со должина од 41,03м. Претходно реализираните две фази беа финансиски поддржани со средства од Бирото за рамномерен регионален развој преку Министерството за локална самоуправа. Уреденото корито и речен слив ќе значат намалување односно точкасто елиминирање на можноста од излевање и поплави на Црна Река и нејзините притоки на квалитетно обработливо земјоделско земјиште. Со спречувањето на поплавите и излевањата ќе се заштитат засеаните посеви кои носат економски бенефит за земјоделците, производителите и преработувачката индустрија во регионот. Извозот на регионални земјоделски производи и нивни преработки ќе зголеми. Редукцијата на поплавите и излевањата директно ја штити животната средина односно нејзините медиуми почва, вода и воздух.