ПРОЕКТ ДЕТАЛИ

Културното наследство и историјата се знак на распознавање на секое општество кое претставува моќен производ за презентирање на културните вредности. Општина Крушево има широка и длабоко врежана историја со која се препознава и историјата на Република Македонија. Крушево е познато по своето историско минато и културно богатство кое како вечен спомен ги чува во себе историјата и настаните. Од 1903 година Крушево како град има изобилство на споменици и други културно- историски објекти, како споменикот Илинден откриен на 2ри август 1974 кој претставува симбол на непокорот, борбата и вечниот стремеж на македонскиот народ за национална слобода. Вредна да се спомене е и спомен куќата посветена на амабсадорот на македонската музика- Тодор Проески. Големото културно и историско значење кое се простира на територијата на општина Крушево поврзано со националната историја и култура на Македонија е прогласено за споменичка целина од особено значење согласно со Закон (Сл. Весник на РМ, бр.95 од 26.07.2012 година). Со програсување на градот Крушево за споменична целина се предвидува трајно зачувување на автентичноста, реткоста, единственоста и разновидноста на споменичката целина, како и создавање на поволни услови за опстанок и задржување на интегритетот на сите податоци што ги носи во себе како сведоштво. Со Законот се предвидува и спречување на сите дејствија, појави и влијанија со кои се врши или може да настане нејзино оштетување или деградирање. Една од целите на проектот е зголемување на заштитата на националното, културното наследство и туристичките потенцијали во заштитената споменичла целина - Крушево, преку набавка на возило за противпожарна заштита за противпожарна единица Крушево. ТППЕ Крушево е формирана во втората половина на 1985 година и нејзините ингеренции во однос на заштита и безбедност на културното наследство, граѓаните и животната средина се однесуваат на општина Крушево, како и за потребите на општинитe Долнени и Прилеп кои гравитираат во нејзината близина. ТППЕ Крушево е во надлежност на општина Крушево и во моментот брои 9 вработени. Основниот проблем со кој се соочува општината Крушево, ТППЕ Крушево и околните општини е застареноста на противпожарните возила на ТППЕ Крушево кои датираат од 1985 година. Како последица на постоечкиот проблем функционирањето на возилата е отежаното и претставува дополнителен предизвик во нивното работење при справувањето со пожари кои придонесуваат за загрозување на националното културно наследство, животната средина, туристичките потенцијали, живот и здравјето на граѓаните и туристите.