ПРОЕКТ ДЕТАЛИ

Во општина Долнени секоја година во изминатите 42 години се одржува Меѓународниот фестивал на народни игри и ора “Пеце Атанасовски”, на кој учестуваат претставници од сферата на фолклорот од многу различни земји и го посетуваат голем број на домашни и странски туристи. Фестивалот се организира во вид на натпревар на кој се промовира народното културно творештво, традиционалниот фолклор и народна уметност од целиот свет, а тоа придонесува кон поставување на овој фестивал на светската мапа на настани од оваа сфера во светот на фолклорот и со тоа и се поголема посетеност од година во година. Во изминатиот период беа направени инфраструктурни интервенции на отворениот простор каде се одржува фестивалот, со што се овозможи зголемување на бројот на учесници и посетители на овој фестивал. Овој настан привлекува повеќе од 10.000 туристи и посетители на самиот настан како и во регионот, и со тоа дополнително ја забрзува соработката и придонесува кон развој на вредносниот ланец во регионот со локалните добавувачи и понудувачи на услуги. Со цел фестивалот да продолжи да расте, потребни се дополнителни интервенции и подобрувања на регионалните капацитети за имплементација на активности кои директно или индиректно придонесуваат кон подобрување на економскиот развој, преку искористување на конкурентските предности на регионот. Со имплементацијата на овој проект ќе се обезбеди затворен простор, со современи услови каде ќе може да се одржува овој фестивал, кој традиционално се одржува на отворено во место викано Рудина општина Долнени. Еден од проблемите кој е таргетиран преку овој проект е што на повеќе пати во минатото и доста често во изминатите години поради лошите временски услови, целата организација на фестивалот мораше да биде дислоцирана во затворен простор во Домот на културата "Марко Цепенков" во Прилеп, со што иако останува да се одржи во реионот, сепак го губи својот идентитет, а со тоа и економските бенефити. Со реконструкцијата на затворениот простор, конкретно со интервенирање на оштетените ѕидови, подови и плафони, со обнова на бината/сценскиот простор, со замена на сите врати, поставување маси и столици, поставување на надворешна рампа за влез на лица со инвалидитет, и останати интервенции, ќе се создадат оптимални услови за непречено организирање и уживање во меѓународниот фестивал “Пеце Атанасовски”, кој има големо регионално и национално значење, како и за различни настани, претстави, кино проекции и други случувања за населението на Пелагонискиот регион, а најмногу за населените места и општините кои гравитираат околу населеното место Долнени.