ПРОЕКТ ДЕТАЛИ

Со реконструкција на пристапниот пат "Рилски Конгрес", се подобрува сообраќајниот режим на територија на Општина Центар и Општина Кисела Вода, на локалитетите, Црниче, Пржино и Долно Водно. Улицата Рилски Конгрес е сообраќаен коридор кој ги поврзува двете Општини, во правец исток-запад, поврзувајќи ги со магистралните сообраќајни коридори. Улицата Рилски Конгрес е алтернативен правец на движење, кој овозможува намалување на бројот на возила во периодите на сообраќаен шпиц. Создавањето на можноста за користење на алтернативни сообраќајни коридори паралелни на магистралните коридори (улица Востаничка) во голема мера ќе ја зголеми пропусноста во правец Север-Југ, поврзувајќи ги насебите Црниче, Пржино и Водно со магистралните сообраќајници Булевар Македонија и Булевар Кочо Рацин и Булевар Климент Охридски. Заради постојната состојба на коловозот и тротоарите одвивањето на сообраќајот на улица Рилски Конгрес, е отежнат поради деформации настанати од користење на сообраќајницата. Оштетувањата се како и на коловозната така и на пешачките површини, со реализација на конструкцијата ќе се створат услови за користење на полн профил на сообраќајниот коридор помеѓу Општините Центар и Кисела Вода. Со реконструкција на овој пристапен пат ќе се возможат соодветни услови за економски развој, односно за зголемување на бројот за изградба на повеќе објекти (викенд куќи, летниковци и сл.) во населените места Црниче, Пржино и Долно Водно. Со овој проект, Општина Центар ,Општина Кисела Вода и Град Скопје со реконструкција на улица Рилски конгрес, отпочнуваат соработка за интегрално решавање на сообраќајните проблеми на територија на Град Скопје, во насока на подобрување на квалитетот на инфраструктурата на територија на Град Скопје. Овој проект е координирана активност помеѓу Општина Центар, Општина Кисела Вода и Град Скопје, за реконструкција на секундарни сообраќајници како можни правци на движење кои ќе превземат дел од сообраќајот по магистралните сообраќајници. Град Скопје, Кисела Вода и Општина Центар со реализација на овој проект ќе отпочнат процес на интегрално решавање на проблемите на сообраќајот на територија на Град Скопје.