ПРОЕКТ ДЕТАЛИ

Станува збор за воведување на нов иновативен процес кој ќе гарантира висок квалитет во хармонија со природата низ целиот пат на овошјето. Реално во нашата држава иако мал процент сепак постои органско производство, постојат ладилници за откуп од кои некои користат конвенционални а други современи технологии, застапена е продажба на свежо и замрзнато овошје, но факт е дека нема фирма која ќе го сублимира во едно најдоброто од сите овие поединечни процеси. Фирма која ќе прави анализа, ќе следи и гарантира за Био квалитетот од самите насади, преку складирање во најсовремени технолошки услови, се до крајниот производ во форма за свежо, замрзнато овошје или овошна каша. Квалитетот во сите фази ќе го следи и потврдува: долгогодишното практично искуство во оваа дејност на Асинус и сопственикот Петар, научно образовен кадар преку потпишан меморандум за соработка со Земјоделскиот Факултет Скопје и сопствена лабораторија за анлизи и потврдување на квалитет со цел 100% гарантирање за квалитетот.