ПРОЕКТ ДЕТАЛИ

Овој проект претставува истражување и развој на иновативен нов модел на автоматски паркинг систем за возила со име ЕНЕКС. Системот ЕНЕКС е дефиниран како автоматски паркинг систем за возила кој како основа има вртлива платформа која ротира за 360 степени околу својата оска и може да прими до 9 возила за паркирање во висина на максимално 11 спратови (до 22 метри), кој се опслужува со машина за вертикален транспорт на возила (лифт) и интелигентна количка за хоризонтален транспорт (паркирање) на возилата. Целокупниот систем ЕНЕКС е контролиран и управуван од централен компјутер со сопствен дигитален софтвер. Ова е целосно автоматизиран и самостоен систем од затворен тип, при што корисникот го остава возилото на јасно означено место, се најавува во системот, а паркирањето се извршува автоматски. Ваков тип на систем за основа има патентирана иновација и се разликува од постојните (state of the art) системи: во однос на флексибилност на брзина на опслужување (прием и издавање) на возила, модуларноста на системот и можноста за инсталирање на ваков систем за мали инвеститори.