ПРОЕКТ ДЕТАЛИ

Каналот кај с. Синѓелиќ денес претставува запоставено место кое во лето 2016 год беше едно од главните причинители на штетата од надојдените води од поројните дождови. Нашата главна цел во овој сектор ќе биде планско одржување зимско и летно на сите канали на територијата на Општина Гази Баба како и изградба на нови канали за одводување на атмосферската вода. Овој простор околу каналот во с. Синѓелиќ заслужува да биде облагороден и рационално искористен , така што тој ќе биде покриен, а просторот ќе биде искористен за поставување нова автобуска постојка за линијата 45. Така овде би била последната автобуска постојка за оваа линија , мал плоштад со површина од 2000м2 , каде што ќе се постават клупи за одмор и за дружење на пензионерите. Делот од зградата месната заедница ќе биде оспособен за амбуланта по општа медицина и за гинеколошка амбуланта во соработка со Министерство за здраство. Овој проект ќе го направи пристапен и стадионот Фортуна бидејќи новата автобуска станица на линијата 45 ќе биде во негова близина. Овој проект претставува прва фаза и со него ќе се овозможи благородување на 100 метри должни над и околу каналот во с. Синѓелиќ и ќе овозможи искористување на еден запоставен простор во функција на сите жители на с. Синѓелиќ.