ПРОЕКТ ДЕТАЛИ

Главната цел на проектот е набавка, инсталирање и пуштање во употреба на нова целосно автоматизирана машина за палетизирање и пакување на финални земјоделски производи. Компанијата во изминатиот период реализираше големи инвестиции во изградба на нов производен погод и набавка на нова технологија за производство на здрава храна, но истовремено во рамки на производното портфолио на компанијата значаен сегмент има делот за производство на различни типови на брашно, трици, семиња и други производи од пченица и производи од растително потекло. Овој сегмент од производството за нас е исклучително важно поради фактот што дел од овие производи ние ги користиме како инпути во процесот на производство на здрава храна и финални прехранбени производи, но истовремено поради зголемената побарувачка на пазарот за брашно е исклучителна можност за нас во делот на зголемување на продажбите на брашно на домашниот пазар.