ПРОЕКТ ДЕТАЛИ

Тимот на 3Д Принт Солушнс планира да изработи линија за рециклирање на отпадна ПЕТ амбалажа на која ќе произведува ПЕТ филамент за печатење. ПЕТ материјалот (Polyethylene Terephthalate), заедно со PLA (Polylactic Acid) и ABS (Acrylonitrile Butadiene Styrene), е еден од најпопуларните материјали за 3D печатење поради многу причини. Toj има одлични карактеристики на термоформирање, што значи дека лесно се загрева и се формира. ПЕТ пластиката има помала веројатност да се собира или искривува. Често се користи кога транспарентноста е важна кај крајниот производ. Начинот на производство на филамент од рециклирана ПЕТ амбалажа е ист како и производството на филамент од нов ПЕТ материјал. Отпадната ПЕТ амбалажа најпрвин се ситни (меле) во машина (crusher) и добива форма на ситни пластични парченца. Ситните остатоци потоа се ставаат во линија за производство на филамент, во којашто најпрвин се загреваат до температура на топење. Така загреана, ПЕТ пластиката минува низ тенок отвор, каде што се формира филаментот, а потоа следи процесот на ладење и намотување на филаментот во ролна.