ПРОЕКТ ДЕТАЛИ

Основната цел на проектот е претпријатиетото да оствари тенолошки раст и развој во време на постпандемија и економска криза. Со воведување на нова дигитална технологија и пласирање на нов производ на пазарот се зголемуваат можностите за надминување на последиците од КОВИД кризата и истовремено се отвараат можности за поголема конкурентност на странски пазари. Имено станува збор за инвестиција во набавка на линија -машини за изработка на кутија, производ кој моментално е баран како на домашниот така и на странскиот пазар, а компанијата не го произведува во рамки на својата палета. Индустријата на хартија и целулоза, како и графичката индустрија и издавачката дејност во Република Северна Македонија достигнаа висок степен на развој кој се огледа во можноста за квалитетно производтво на сите видови хартиени и графички производи. Во последно време се` поголем развој се забележува кај производството на амбалажа. Оваа индустрија во Република Северна Македонија забележува тренд на пораст и истата може да ги произведе речиси сите видови графички производи и производи од хартија. Голем број од фирмите се` повеќе се ориентираат кон производство на амбалажа, со што се потенцира врската на оваа индустрија со речиси сите преработувачки индустриски гранки. Производството во најголем дел е насочено за потребите на домашниот пазар. Кај индустријата за хартија, целулоза и производи од хартија, извозот за 11 (единаесет) месеци од 2019 година изнесува 17,1 илјади тони, односно 14,4 илјади САД долари, а увозот за првите единаесет месеци од 2019 година е 80.9 илјади тони, односно 99,97 илјади САД долари што укажува на фактот дека Македонија и натаму е увозно зависна. Потребата за отпочнување на овој проект се јавува со можноста за проширување на производството и таргетирање на сосема нови пазарни сегменти кои имаат огромен потенцијал и во кои до сега компанијата немала пазарен удел.