ПРОЕКТ ДЕТАЛИ

КариерЛаб е напредно софтверско решение кое го дигитализира, оптимизира и автоматизира севкупниот процес на избор и аплицирање за работни позиции за корисниците и процесот на селекција и вработување за бизниси, приспособен според потребите на ИТ индустријата. Сите луѓе кои имаат за цел или веќе работат на различни полиња на ИТ индустријата се соочуваат со предизвици на почетокот и за време на нивната кариерата, како да изберат област која одговара на нивната личност, кои компании од тоа поле одговараат на нивните амбиции, вредности и сет на вештини, како најдобро да им се претстават на компаниите, комплицираниот процес на интервју и друго. Корисниците на КариерЛаб кои бараат ново вработување, дополнително ангажирање со скратено работно време или менуваат кариера нема да имаат потреба повеќе да креираат CV, резимеа, мотивациони писма или рачно да бараат можност за работа. КариерЛаб врз основа на нивните инпути автоматски ќе генерира личен профил кој ќе биде синхронизиран со организации и бизниси кои најдобро одговараат за нив, не само според нивното образование и вештини, туку и според нивните лични верувања, култура, вредности итн. Најчесто не треба само да се најдат најсоодветните кандидати за одредени позиции, истотака треба да се најдат и во ограничено време, што го прави процесот на регрутирање многу предизвикувачки и скап. Автоматизацијата за регрутирање на КариерЛаб ќе ја преобликува иднината на вработување нови вработени. Ги елиминира посредниците, може да помогне да се зголеми продуктивноста, побрзо да се дојде до најдобрите кандидати, побрзо да се пополнат отворените позиции и да се намалат трошоците за вработување.