ПРОЕКТ ДЕТАЛИ

Интерактива ДБ е семејна компанија основана и управувана од економисти и бизнис консултанти и вработени со повеќе од 25 години работи во областа на сметководството и бизнис консалтинг која од самите почетоци на работата има јасна идеја и концепт која е целна група на претпријатија со кои треба да работи и предвидовме дека главен двигател на економијата, со најголем потенцијал за раст, приходи и иновативен, флексибилен и претприемачки пристап кон бизнисот се микро и малите компании кои од тогаш се и останаа наши главни клиенти. Токму ваквиот наш екосистем на иновативни и преприемачки настроени клиенти, го дефинираат и нашето портфолио на услуги кое од секогаш е базирано на иновативна употреба на совемени дигитални технологии и мислиме дека е вистинско време да ги унапредиме интерните работни процеси и пристапот кон клиентите со иновативен пристап поддржан од state-of-the-art дигитални решенија, со што не само што би ја подигнале ефективноста на нашата работа, туку би добиле и експертиза која би можеле да ја понудиме и на другите компании од нашата област и пошироко. Со предложениот проект имаме две цели и тоа ,како прва цел, сакаме да го надминеме проблемот со недостаток со квалификувана работна сила кој е особено изразен во нашата бранша, со технолошка имплементација на дигитални софтверски и хардверски алатки за онлајн обуки и потоа, вклучување во работните процеси во компанијата на лица, кои се физички оддалечени и во некои случаи и чие образование не е соодветно за нашата област. Втора цел ни е преку нови технологии, во првата фаза, да помогнеме во унапредување на работата на нашите постоечки и идни клиенти (претежно микро и мали компании) и тоа на неколку начини – преку креирање на посебен CRM (customer relationship management) софтверски модул кој би ни овозможил персонализиран пристап и унапредени услуги за клиентите, LMS (learning management system) модул преку кој клиентите, би имале пристап и би се обучувале за понапредни бизнис и маркетинг техники и начини за унапредување на нивниот бизнис, и нашата оригинална идеја добиена од увидот во работата на компаниите - модул кој би ги анализирал бизнис релациите на нашите клиенти и би детектирал можност за три-латерални и повеќелатерални меѓусебни компензации со што енормно би се зголемила наплатата помеѓу компаниите и би се намалиле нивните обврски. Сите овие модули би ги поврзале и со мобилна апликација за директен пристап на клиентите до сите информации генерирани од погоре споманите софтверски модули.