ПРОЕКТ ДЕТАЛИ

Проектот се однесува на изградба на повеќенаменски простор кој ќе служи за обезбедување на услуги од административно социјален карактер на жителите од овој дел од регионот. Дел од објектот ќе служи за обезбедување на услуги за жителите од матичното одделение во Битола, овој простор се користел за оваа иста намена до пред 4 години како подрачно одделение на службите од Битола, меѓутоа поради немање на елементарни услови овие услуги во последните години години жителите на овие населени места не можат да ги остварат во с. Ивањевци и мораат да патуваат до Битола, што дополнително им го отежнува добивањето на овие услуги и им одзема повеќе време. Исто така во рамките на овој објект планиран е и простор за Центар за ран детски развој кој ќе згрижува деца од соседните општини имајќи ја во предвид местоположбата на селото. Со што и жителите на помалите населени места кои гравитираат околу овие општини ќе имаат можност да ги користат услугите на центарот за ран детски развој за своите најмлади ова ќе им заштеди време и пари на жителите а за дечињата ќе се обезбедат услови кои ги добиваат нивните врсници од урбаните средини. Останатиот дел од просторот се планира да се искористи како канцеларија за Агро Акцелератор кој земајќи во предвид дека поголем дел од населението што гравитира на оваа територија се занимава со земјоделие, ќе ги опслужува заинтересираните земјоделци и земјоделски стопанства не само од општина Могила туку и од соседните општини. Објектот во с. Ивањевци Оп. Могила моментално е во руинирана состојба и не е во функција. Објектот е со димензии: 19.30 х 11.10 м. односно 214,23 м2 Подигнат од ниво на терен за 70 см. се предвидува темелна реконструкција на објектот со доградба. Овој капацитет е од регионално значење затоа што ќе биде ставен во функција на жителите од овој дел на регионот, не само од општина Могила туку и соседните општини. Со проектот за реконструкција на објектот во с. Ивањевци ќе се создадат услови за ставање на овој простор (капацитет) во функција на обезбедување на социјални услуги од регионално значење и нивно доближување непосредно до жителите на опш. Могила, Новаци и Демир Хисар. Жителите од н. м. кои гравитираат околу опш. Могила, Новаци и Демир Хисар) веќе подолг период не го остваруваат своето право на социјални услуги и услуги од Управата за водење на матични книги, условите во населените места каде што живеат не овозможуваат услуги за најмладите нити пак услуги за земјоделците. Со ова диспаритетот на нивните населени места и поголемите урбани средини станува се поизразен а проблемот е од регионален карактер. Со овој проект се придонесува кон решавање на проблемот и овозможување на услови за овозможување на социјални услуги од регионален карактер.