ПРОЕКТ ДЕТАЛИ

Предметниот коловоз од главниот уличен крак, се наоѓа во склоп на населеното место Логоварди, со смер на протегање северозапад - југоисток, односно започнува од спојот со постоечки асфалтиран коловоз на стационажа 0+000, па се протега со должина од Л=744,30 м’ во правец на југоисток кон индивидуални станбени објекти. По целата стационажа на коловозот може да се приметат различни материјали како завршни слоеви од горниот строј на коловозот. Од стационажа 0+000 па до стационажа 0+325,40, коловозот е обложен со макадам изработен од крупна камена коцка 20/10/15 см., со доста оштетувања поради влијанието на атмосферски води кои поради денивелацијата на коловозот не се евакуираат и се задржуваат на него, оштетувајќи ја површината посебно во зимскиот период. Од стационажа 0+325,40 до 0+448, коловозот е со асфалтен слој кој е со релативни оштетувања посебно изразени на рабовите на коловозот од двете страни, генерално со коловозна површина која е деформирана и нивелационо дисконтинуирана. Имено, на некои делови од трасата нема никаков попречен пад на коловозот или истиот е минимален, така што е оневозможено евакуирањето на атмосферската вода. Поради ова, површинската вода на одредени места се задржува на коловозот, па во деновите со ниски температури доаѓа до нејзино замрзнување што предизвикува оштетување на коловозот. Ваквата состојба на одводнувањето како и долготрајната експлоатација придонела да постојниот асфалт се оштети. Истата состојба се повторува и на делницата од стационажа 0+580,30 до стационажа 0+664,40. Делот од трасата од стационажа од 0+448,00 до 0+580,30, како и од 0+664,40 до 0+744,30, е со коловоз од набиен речен шљунак со крупни фракции, кој се манифестира со големи оштетувања на профилот на улицата и претставува реален проблем за експлоатација на истата од локалното население. По должина на трасата наизменично само од една или од двете страни, постојат класични земјани канали за одводнување. Истите, во поголем дел од трасата се на многу големо растојание од рабовите на коловозот, така да атмосферската вода не може да стигне до нив и да се евакуира од коловозот. та.