ПРОЕКТ ДЕТАЛИ

Општина Кривогаштани е рурална општина со 12 населени места и 5167 жители(согласно првичните информации од пописот 2021 година). Еден од најголемите проблеми во општината е собирањето и депонирањето на цврстиот комунален отпад во населените места во општината. Јавното комунално претпријатие Пелагонија Кривогаштани оваа дејност ја извршува целосно само во 4 населени места: Кривогаштани, Славеј, Врбјани и Крушеани, а додека делумно со поставени контејнери за отпад се собира во населените места Кореница, Годивле, Подвис, Бела Црква, Воѓани, Пашино Рувци и Боротино.Контејнерите се празнат еднаш во неделата со специјално комунално возило. Јавното комунално претпријатие Пелагонија располага со наменско возило за собирање на отпад со капацитет од 8+1м3 набавено со донација од амбасада на Јапонија и располага со околу 60 исправни метални контејнери кои се подигаат со специјалното возило и околу 700 пластични канти од 120л кои се подигаат со трактор со приколка. За целосно решавање на проблемот со цврстиот комунален отпад и намалување на дивите депонии, потребно е да се набават дополнитено 60 метални контејнери за отпад од 1,1м3 како и1000 пластични канти за отпад со запремина 120л . Исто така, согласно законските прописи потребно е да се започне со селектирање на отпадот а општината нема ниту еден контејнер за селектирање на пластика, стакло и картони. За таа цел се предвидува да се набават 15 контејнери со капацитет 1,1м3 за пластика и 15 контејнери со капацитет 1,1м3 за хартија. Контејнерите ќе бидат распоредени во сите населени места според големината на населените места.