ПРОЕКТ ДЕТАЛИ

Со проектот за реконструкција на тротоарите долж улицата Борис Кидрич во Берово од крстосница со улици Вељко Влахович и Јуриј Гагарин до крстосница со улица Гоце Делчев ќе се изведат тротоари во должина од 420 метри. Поради моменталната состојбата на улицата на која тротоарите скоро и да ги нема, односно истите се земјани или поплочени со што е нарушена безбедноста во сообраќајот и безбедноста на пешаците се наметнува потребата од реконструкција на тротоарите, без притоа да се наруши во целост првобитната состојба. Предметните тротоари на улицата Борис Кидрич се наоѓаат на територијата на градот Берово и се протегаат на една од најпрометните улици во градот. Моменталната состојбата на улицата на која тротоарите скоро и да ги нема, односно истите се земјани или поплочени со што е нарушена безбедноста во сообраќајот и безбедноста на пешаците ја наметнува потребата од реконструкција на тротоарите и нивно уредување во рамките на постоечката состојба. По направена теренска проспекција на улицата, констатирано е дека тротоарите, гледано стационажно од левата страна се земјани, додека од десната страна коловозот и тротоарот се одвоени со зеленило и на истите се на дел поплочени. Ширина на тротоар (десно) 2,0 m и ширина на тротоар (лево) 2,0 m додека ширините на зеленилото е променлива долж улицата и за предвидентата траса за реконструкција. За тротоарите предвидена е следната конструкција: павер елементи (бехатон) 6 cm, подлога од песок 5 cm и тампонски слој од дробеник 25 cm. Улицата е Борис Кидриќ во Берово е влезна улица од патниот правец Стумица-Берово и го поврзува градот со четирите населени места Двориште, Ратево, Русиново и Владимирово. Улицата е влезна артерија на градот и подобрувањето на инфраструктурата значително ќе влијае на подобрувањето на безбедноста и сигурноста на учесниците во сообраќајот, а сособено на пешаците.