ПРОЕКТ ДЕТАЛИ

пштина Долнени со Стратегијата за локален економски развој, Програмата за локален економски развој и Програмата за изградба, рехабилитација, одржување и заштита на локалните патишта, улици и мостови во општина Долнени за 2020 година, има посветено посебно внимание на локалната патна инфраструктура, како еден од најважните критериуми за обезбедување на потребните услови за економски развој, подобрување на условите за живот, а преку тоа поттикнување на младите да останата во руралните средини и да вложуваат во развојот на населените места и општината, а со тоа и на регионот во целина. Во општина Долнени како една од поголемите рурални општини еден од најважните критериуми е развојот изградбата и одржувањето на локалната патна инфраструктура, која претставува еден вид крвоток за напредок и економски развој. Успешното стопанисување на се поголемиот број на приватни стопанственици, како и развојот на малите и средни претпријатија, во голема мера зависи од изграденоста и одржувањето на патната инфрасруктура, особено на локално ниво. За таа цел е неопходно е истата постојано да се изградува и одржува, за да се обезбеди непреченост во економскиот развој, социјалниот и образовниот развој, односно подобрување на условите за живот во целина. Локалната патна мрежа е во лоша состојба, како резултат на незадоволителното одржување на патиштата заради недостигот на финансии, главно заради слабоста на инвестициите во секторот транспорт и дистрибуција и сл. Главна причина за лошата состојба на патиштата е тоа што секоја општина управува со различни финансиски капацитети, поради што одредени општини немаат доволно финансиски средства за надградба/реконструкција на постојните патишта што водат до амбуланти, училишта и пазари, така што ова прашање носи и социјални проблеми. Пoстоечката состојба на улиците во н.м.Дебреште е во могу лоша состојба и како таква не ги задоволуваат ни основните барања предвидени за нивните намени. Според тоа неопходно е изнајдување на решение за овие улици за да се одвива нормален непречен сообраќај, како и да се обезбеди зголемена безбедност на учесниците во сообраќајот по истите, да се обезбеди нормален и непречен пристап до образовни и верски институции, до стопански објекти, спортски објекти и сл. Со еден збор да се подобрат условите за живот и да се намале бројот на население кое од ден на ден се повеќе го напушта н.м.Дебреште.