ПРОЕКТ ДЕТАЛИ

роектот претставува Изградба на пречистителна станица на фекална канализација во с.Чифлик II Фаза. Село Чифлик се наоѓа на околу 3км од седиштето на општината Облешево. Брои 688 жители (попис 2002). Во селото живее македонско население. Од инфраструктура во селото има само пристапен пат и неколку асфалтирани улици. Населението со вода за пиење се снабдува со индивидуални бушотини (хидрофори). Со средства од Агенцијата за финансиска поддршка во земјоделството и руралниот развој во 2016 година изградена е мрежа на фекална канализација (примарна и секударна мрежа). Истата не е пуштена во функција поради неизградениот систем за прочистување. Во моментов одведувањето на отпадните фекални води е со септички јами засебно за секое домаќинство и селско стопански. Поради непостоење на систем за одведување и прочистување на отпадните фекални води истите се излеваат директно во река Брегалница и го загадуваат живиот свет во истата. За таа цел општина Чешиново-Облешево изготви Техничка документација за изградба на пречистителна станица. Техничката документација е изработена од страна на Прима инжинеринг Скопје и во истата е предвидено изградба на пречистителна станица од анаеробен тип преку која ќе се пречистуваат комунални и индустриски отпадни води оптоварени со органски материи, третирани преку анаеробен процес. Со пречистување на отпадните води ќе се спречи загадувањето на околината, а пречистените води прочистени ќе се испуштаат вореципиентот. Истите ( како што е наведено од проектантот) ќе можат да се користат и за наводнување на земјоделски површини.