ПРОЕКТ ДЕТАЛИ

Кајанечки дол е лоциран во северниот дел од село Истибања и се протега од магистралниот пат А3 на исток, кон населеното место кон северо-запад. Каналот во моментот претставува природно корито со променлива ширина и длабочина, кој претставува опасност при појава на дождови со висок интензитет и при вакви дождови дел од куќите изградени околу Кајанечки дол остануваат отсечени и без пристап до копно. Со реализацијата на овој проект ќе се реши овој проблем бидејќи во самата проектна програма се планирани и изградба на 3 мостови. Главни корисници се населението од с.Истибања, кои ќе добијат нормални услови за живеење и при значителни врнежи од дожд, и уреден и урбан дел од селото. Дирекнта корист од реализација на овој проектот ќе имаат 60 домаќинства кои живеат од левата и десна страна на Кајанечки дол.