ПРОЕКТ ДЕТАЛИ

редлог проектното решение е дел од Основниот проект Реконструкција на улица во с. Смојмирово, потег од црква до селски гробишта. Улицата која го опфаќа потегот од Црквата па до селските гробишта е целосно земјана и се карактеризира со ограничувања од двете страни. Ограничувањата се состојат од индивидуални куќи со огради кои се протегаат вдолж двете страни на улицата.Почетокот на улицата се третира од нејзиното одвојување од асфалтирана улица кај црквата, додека крајот е кај селските гробишта. Должината на оваа улица изнесува околу 470м. Кракот, кој е планиран да се изведува, започнува од вкрстувањето со улица 1 и завршува слепо кај индивидуалните објекти исто така со земјан пат кој треба да се асфалтира, во должина од 70м. По теренска проспекција и снимена ажурирана геодетска подлога на улицата, констатирано е дека постоечката ширина на улицата е променлива по целата должина од прилика околу 2.00м-3.0м. Населеното место Смојмирово има делумно решена локлна патна мрежа која покрива поголем дел од системот на улици кои се збирни или ги поврзуваат сите домаќинства со стопанските објекти но има и се уште кои треба да се изградат. Карактеристично за самата улица е е тоа што од двете страни на улицата се простираат постоечки куќи и објекти на локалното население, Самите објекти се со дворови кои се оградени делумно со бетонски ѕидови, а делумно со жичана и дрвена ограда поставениа на бетонски парапаетни ѕидови. Постоечката состојба на улицата започнува со асфалт кој се наоѓа во многу лоша состојба, а понатаму продолжува по земјен дел за кој е потребно реконстукција и асфалтирање со битуменизиран носечки слој. Доколку продолжи со експлоатацијата моментлната состојба дополнителни ќе се влоши и ќе бидат потребни поголеми зафати и повеќе средства.