ПРОЕКТ ДЕТАЛИ

Населеното место Нова Маала се наоѓа на територија на Општина Василево, помеѓу населените места Доброшинци и Чанаклија. Според пописот во оваа населено место живеат 823 жители од кои 679 се Македонци и 142 Турци. Во селото се наоѓа Дом на културата во кој се одржуваат најразлични собири, а во склоп на домот се наоѓа и спортска сала која исто така се користи за најразлични поголеми настани и спортски натпревари. Оваа сала им служи и на учениците кои учат во ОУ „Атанас Нивичански“ во кое во моментот учат 390 ученици од Нова Маала како и од околните села која ја користат за одржување на часовите по физичко образование, како и за одржување на спортски натпревари. Во моментот дворното место на самиот Дом на културата не е уредено и се наоѓа во земјена состојба. Од една страна жителите на селото, учениците и сите посетители на домот на културата и спортската сала го поминуваат тој пат во прашина додека да влезат внатре, а од друга страна надворешноста дава една неубава слика на домот на културата како место кое е собирно место и центар на културни и спортски манифестации во селото.