ПРОЕКТ ДЕТАЛИ

Општина Арачиново се наоѓа североисточно од Скопје (околу 12 km). Во состав на општината се четири населени места: Арачиново, Грушино, Орланце и Мојанце. Низ општината поминува регионален пат што ги поврзува Скопје со Куманово и Липково. Врз основа на резултатите добиени од пописот во 2002 година, територијата на општина Арачиново се протега во 24 км2, со 11992 жители и 2582 куќи. На Градежната парцела ГП-1.1 е изведен објектот на административна зграда на општина Арачиново со катност од Приземје и Кат. Теренот на градежната ГП-1.1 е нерамен со пад од пристапната улица “2” (северо-источна страна) кон внатрешноста на парцелата (југо-западната страна).Објектот на административна зграда на општина Арачиново е поставен на југо-западната страна од парцелата одалечен од границата на парцелата за 7,0 м и е со влез од предна страна односно со поглед кон пристапната улица “2”. Падот на теренот односно висинската разлика на теренот од влезот во парцелата до границата на парцелата на југо-западната страна е до 1,20м. Градежната парцела ГП-1.1 не е оградена, односно не е разграничена со другите парцели со цврста ограда. IV.СИТУАЦИЈА И ПАРТЕРНО УРЕДУВАЊЕ: Со овој проект за уредување на партерот на општинската административна зграда на општина Арачиново е предвидено: 1. Разграничување на Градежната парцела ГП-1.1 на административна зграда на општина Арачиново со другите парцели со цврста ограда, при што е предвидено изградба на ограден ѕид по целата должина на границите на градежната парцела. 2. Уредување на теренот околу објектот на административна зграда на општина Арачиново со организирање на паркинг простор при што е предвидено израмнување на теренот на градежната парцела и нивелирање на влезот на парцелта во однос на пристапната улица “2”. Влезот во парцелата како што спомнавме и погоре е преку пристапната улица “2”. Пристапот со возила е исто така од пристапната улица “2” од УПС Арачиново. Уредувањето на градежната парцела е предвидена така да од влезот во парцелата т.е. од влезната порта се изведува пристап со возила до средишниот дел на парцелата (простор пред админстартивната зграда) каде што е предвидено изведба на паркинзи. Вкупно се предвидени 14 паркинг места, и се прикажани во ситуационото решение. Околу објектот на административна зграда на општина Арачиново е предвидено изведба на пешачка патека. Патеката за влез, пешачка патека околу објектот и површината за паркирање се предвидени да се изведат од бекатон плочи. Останата слободна површина на градежната парцела е предвидено хортикултурно да се уредува со затревување и садење на растенија.