ПРОЕКТ ДЕТАЛИ

Со предлог проектот “Подобрување на ефикасноста за заловување на бездомните кучиња и поголема контрола на популацијата на бездомните кучиња на територија на Општина Прилеп” ќе се исполнат минималните барања согласно законот за заштита и благосостојба на животни во однос на чување, грижа и сместување, заштита на бездомните кучиња заради депопулација и слични операции. Општината согласно член 28 од законот за благосостојба на животните е надлежна да врши собирање на бездомните кучиња, односно нерегистрирани кучиња и регистрирани кучиња доколку ги затекнат на јавни површини без присуство на сопственикот и привремено да ги сместат во соодветни објекти - прифатилишта. Во овие објекти треба да се обезбеди елементарна заштита на животните од непогодни временски услови и да се обезбеди нивно ефикасно затворање. Специјалното возило и опремата за заловувањето на бездомните кучиња ќе помогне да се исполнат целите од законот со тоа што истото ќе се врши од страна на квалификувани лица на начин кој нема да предизвика непотребна болка или страдање како што налага и самиот закон за благосостојба на животните.